ភ្នំពេញ៖ គណៈកម្មាធិការការជាតិរៀបចំការបោះឆ្នោត នឹងចាប់ផ្តើមប្រកាសលទ្ធផលបោះឆ្នោតជ្រើសតាំងតំណាងរាស្ត្រនីតិកាលទី៧ ឆ្នាំ២០២៣ បណ្តោះអាសន្នចាប់ពីម៉ោង៧ព្រឹកស្អែកថ្ងៃទី១ ខែសីហា ឆ្នាំ២០២៣។

លទ្ធផលបោះឆ្នោតបណ្តោះអាសន្ននឹងត្រូវផ្សាយនៅតាម ទូរទស្សន៍ជាតិកម្ពុជា (ទទក) វិទ្យុជាតិកម្ពុជា (វិទ្យុ AM 918 KHz វិទ្យុ FM 96 MHz និងវិទ្យុវត្តភ្នំ FM 105.70 MHz) ទីភ្នាក់ងារសារព័ត៌មានកម្ពុជា-AKP គេហទំព័រ គ.ជ.ប ៖ electresult.nec.gov.kh កម្មវិធីទូរសព្ទដៃ (App) ៖ NEC KH និង CamNEC News, Facebookផេក គណៈកម្មាធិការជាតិរៀបចំការបោះឆ្នោត National Election Committee និងYouTube គណៈកម្មាធិការជាតិរៀបចំការបោះឆ្នោត National Election Committee។

គូសបញ្ជាក់ថា លទ្ធផលបោះឆ្នោតផ្លូវការនឹងប្រកាសនៅចន្លោះថ្ងៃទី៩ ខែសីហា ដល់ថ្ងៃទី៤ ខែកញ្ញា ឆ្នាំ២០២៣ តាមករណីគ្មាន ឬមានពាក្យបណ្តឹង និងករណីគ្មានការបោះឆ្នោតសាជាថ្មី៕